Cynllun Teithio Llesol Ffordd Penrhos, Bangor, Gwynedd

Penodwyd Griffiths i gyflawni’r Cynllun Teithio Llesol Ffordd Penrhos gan Asiant Cefnffyrdd Gogledd a Chanolbarth Cymru (NMWTRA) a Chyngor Gwynedd ym mis Hydref 2023. Cychwynodd y gwaith yn dechrau ar 15 Tachwedd 2023 gyda’r disgwyl byddwn yn gorffen diwedd y Gwanwyn 2024.

Mae’r prosiect, a ariennir gan Gronfa Teithio Llesol Llywodraeth Cymru ac a gefnogir gan Trafnidiaeth Cymru (TfW) yn cynnwys pedwar cam; Griffiths sydd yn adeiladu’r cam cyntaf. Bydd camau gwelliant yn y dyfodol yn cwblhau Llwybr Teithio Llesol i Orsaf Bangor. Bydd y rhannau ychwanegol hyn yn cael eu gosod ar dendr pan fydd cyllid ar gael, a byddant ar wahân i’r cam hwn o’r prosiect cyffredinol.

Bydd y gwaith yn digwydd ar hyd oddeutu 1km o’r ffordd yng nghyffiniau Ysbyty Gwynedd ger cylchfan Coed y Maes, gan barhau ar hyd Ffordd Penrhos am oddeutu 850 metr at gyffordd Coed Mawr.

Bydd y gwaith yn cynnwys:

• Culhau’r ffordd
• Creu llwybr Teithio Llesol, sy’n cynnwys lledu’r llwybr troed presennol (h.y. culhau ychydig ar y briffordd)
• Gosod ymylon palmant, croesfannau botymog a chroesfannau rheoledig newydd – fydd yn cynnwys croesfannau sebra gyda goleuadau Belisha a chroesfannau Pelican.
• Bydd arwyddion newydd yn cael eu gosod hefyd ynghyd ag arwyddion atgoffa cyflymder sy’n gweithio drwy radar

Rydym yn cydnabod bod y rhan hon o’r ffordd yn un hynod brysur; er mwyn i ni allu cynnal y gwaith yn ddiogel, bydd goleuadau traffig dros dro yn cael eu defnyddio i reoli llif y traffig. Bydd y rhain yn gyfuniad o oleuadau 2, 3 a 4 ffordd, yn ddibynnol ar y cyffyrdd yn yr ardal waith gyfagos, a byddant yn cael eu rheoli gan weithwyr yn ystod yr adegau prysuraf.