GWAITH I GODI UCHDER PROMENÂD HEN GOLWYN

GWAITH I GODI UCHDER PROMENÂD HEN GOLWYN

Caiff y prosiect hwn ei gynnal ar yr un pryd â gwaith Amddiffyn yr Arfordir. Yn sgil y prosiect hwn, bydd y promenâd a’r ffordd yn cael eu codi 2 fetr yn uwch na’r lefel bresennol, rhwng Rotary Way a Splash Point (wrth ymyl Bwâu Hen Golwyn). Bydd hyn yn helpu i amddiffyn y promenâd rhag dŵr môr sy’n tasgu dros ei ben yn ystod stormydd. Yn gyntaf, rhaid cwblhau’r gwrthglawdd cerrig ar ochr arall y morglawdd, oherwydd bydd hwn yn cynnal ac yn amddiffyn y promenâd uwch.

Mae’r Llwybyr Arfordirol ar gau y rhan fwyaf o fis Chwefror 2024, a disgwylir i’r prosiect cyfan gael ei gwblhau yn ystod chwarter cyntaf 2024.

Yn ogystal â chodi’r ffordd a’r promenâd 2 fetr yn uwch, bydd y prosiect hefyd yn cynnig ystafell ddosbarth awyr agored, mannau gwefru ceir trydan a ramp mynediad ar gyfer y traeth.

Mae’r gwaith yn cynnwys:

• Adeiladu wal newydd ar gyfer y promenâd
• Mewnforio deunydd llenwi fel y gellir codi lefel y ffordd a’r promenâd
• Slabiau/arwyneb concrit newydd ar y promenâd
• Draeniau
• Goleuadau strydoedd
• Adeiladu cerbytffordd a mannau parcio
• Adeiladu waliau cynnal ychwanegol (codi lefel y rhai presennol)
• Gosod canllawiau a gorffeniadau newydd ar y promenâd

Mae’r gwaith uchod yn waith peirianneg sylweddol a bydd angen defnyddio cyfarpar a pheiriannau mawr, yn cynnwys craeniau, peiriannau cloddio â thraciau a lorïau dympio. Yr unig ffordd y gallwn fynd i’r afael â’r gwaith hwn yn ddiogel yw trwy gau’r rhan hon o’r promenâd yn llwyr, yn ogystal â chau’r ffordd a’r llwybr teithio llesol rhwng Splash Point (wrth ymyl Bwâu Hen Golwyn) a Rotary Way. Ymddiheurwn am yr anhwylustod a achosir.

Mae gwyriadau ar waith ar gyfer cerbydau, cerddwyr a beicwyr. Darllenwch yr wybodaeth ddiweddaraf am y gwyriadau yn ein hadran Rheoli Traffig yma.

Mae gwaith galluogi ar y gweill ar hyn o bryd, a bydd y llwybyr arfordirol ar gau tan ddiwedd mis Chwefror 2024.

I gael rhagor o wybodaeth am y Prosiect Amddiffyn yr Arfordir yn Hen Golwyn, ewch i: https://www.conwy.gov.uk/cy/amddiffynyrarfordir