Gwaith yn dechrau: 23 Mai 2022
Gwaith yn dod i ben: Chwefror 2024
Beth sy’n digwydd?
Gwella’r amddiffynfeydd arfordirol drwy fewnforio oddeutu 1 miliwn tunnell o dywod i’w osod o flaen y morglawdd presennol. Bydd hyn yn amddiffyn y morglawdd a’r eiddo a’r seilwaith y tu ôl iddo rhag bygythiad parhaus y môr a lefelau newid hinsawdd arferol.
Mae’r gwaith arfordirol hefyd yn cynnwys ymestyn nifer o ollyngfeydd i lawr i’r traeth is, ac addasu grwyn cerrig wrth Harbwr Rhos. Mae’r grwyn gorffenedig yn uwch ac yn ehangach ac mae braich newydd wedi ei hychwanegu i greu dyluniad cynffon pysgodyn.
Mae’r cynllun hefyd yn cynnwys gwelliannau i’r promenâd, gan ei ehangu i ddarparu mwy o le i gerddwyr a beicwyr ac uwchraddio’r celfi stryd a goleuadau. Rydym yn ychwanegu mannau chwarae a mannau hamdden, cysgodfannau, planwyr, celf gyhoeddus a lleoedd digwyddiadau.
A fydd y ffordd ar gau?
Bydd – Yn ystod y gwaith adeiladu, caiff yr holl draffig ei ddargyfeirio i fyny a thros arglawdd Cayley.
Sut fydd hyn yn effeithio ar barcio?
Ni fydd y mannau parcio yn y rhan hon o Bromenâd y Gorllewin ar gael yn ystod y gwaith, oherwydd bydd y ffordd wedi cau.
A all cerddwyr a beicwyr ddefnyddio’r promenâd o hyd?
Bydd rhai rhannau o’r promenâd ar gau er mwyn caniatáu i’r gwaith adeiladu gael ei wneud yn ddiogel. Rydym wedi lleihau’r amhariad hwn cyn belled ag sy’n ddiogel, ac mae llwybr gwyro diogel wedi ei ddarparu.
Mae na lwybr diolgel i gerddwyr a beicwyr ar hyd gwaelod Arglawdd Cayley.
Beth sy’n digwydd gyda’r ciosgau?
Mae’r ciosgau wedi ei ddymchwel ac rydym wedi gosod gwasanaethau yn barod ar gyfer ciosgau modern, newydd. Fodd bynnag, nid yw adeiladu’r cisogau newydd yn ein sgôp gwaith.
Amserlen
| 18 Mai 2022 | Ger pier Bae Colwyn: danfoniadau yn dechrau cyrraedd y safle |
| 23 Mai 2022 | Promenâd y Gorllewin: ffordd ar gau o flaen arglawdd Cayley |
| Mai-Mehefin 2022 | Y traeth i’r gorllewin o Bier Bae Colwyn: adeiladu’r bibell tywod – bydd rhannau o’r traeth ar gau i’r cyhoedd. Promenâd y Gorllewin: gosod y safle, gwaith yn dechrau ar y promenâd |
| Diwedd Mehefin / dechrau Gorffennaf 2022 | Pier Bae Colwyn i Harbwr Rhos: dechrau mewnforio tywod i’r traeth – bydd rhannau o’r traeth ar gau i’r cyhoedd |
| Medi 2022 | Gorffen mewnforio tywod i’r traeth |
| Chwefror 2024 | Promenâd y Gorllewin: gwaith yn dod i ben |
Pam fyddwch chi’n dechrau’r gwaith hwn yn yr haf?
Mae rhesymau ymarferol ac amgylcheddol dros fewnforio tywod dros yr haf, fel bod angen môr tawel, ac osgoi tymor adar gaeafu.
Fe fydd y cynllun hwn yn cymryd o leiaf 12 mis i’w gwblhau, sy’n golygu y byddem yn gweithio trwy dymhorau’r haf .
Cwestiynau?
Mae rhagor o wybodaeth a’r wybodaeth ddiweddaraf ar gael ar:
Os hoffech siarad â rhywun am y gwaith adeiladu, cysylltwch ar y manylion canlynol:
Os bydd angen rhagor o wybodaeth am y prosiect arnoch, cysylltwch â Thîm Cyngor yr Amgylchedd, Ffyrdd a Chyfleusterau ar affch@conwy.gov.uk neu ffoniwch 01492 575337.
Ymddiheurwn am unrhyw anghyfleustra a diolchwn i chi am eich amynedd wrth i ni wneud y gwaith hwn.
*Codir galwadau i’r rhif hwn ar gyfraddau galwadau cenedlaethol ac maent wedi’u cynnwys mewn cynlluniau munud cynhwysol o linellau tir a ffonau symudol
