Cynllun Teithio Llesol Cyffordd 18 yr A55

Mae Griffiths wedi ei benodi gan Asiantaeth Cefnffyrdd Gogledd a Chanolbarth Cymru (NMWTRA) i greu Llwybr Teithio Llesol o fynedfa RSPB ar gylchfan y Gyffordd ar gyfer Cyffordd Llandudno ar yr A55 i gylchfan Junction Way ar yr A546 (Ffordd 6G). Bydd y prosiect yn gwella cysylltedd ar gyfer cerddwyr a beicwyr.

Bydd gwaith ar y prosiect yn dechrau ddydd Llun 29 Ionawr 2024 a bwriedir ei orffen erbyn dydd Llun 11 Ebrill 2024.

Mae’r cynllun yn cynnwys:

• Lledu’r llwybr cerdded rhwng ochr orllewinol cylchfan Cyffordd 18 yr A55 a’r A546 i ffurfio Llwybr a Rennir am 300m o’r gyffordd sy’n cynnwys mynedfa RSPB Conwy hyd at y groesfan a reolir gan signalau sydd eisoes yn bodoli i’r gogledd o Junction Way.
• Gosod croesfan newydd a reolir gan signalau i’r de o Junction Way, ar draws yr A546
• Lledu’r llwybrau cerdded i’r de o gylchfan Junction Way er mwyn gwella mynediad i gerddwyr tuag at yr archfarchnad a chanolfan hamdden Cyffordd Llandudno
• Gosod ymylon palmant, croesfannau cyffyrddol a chroesfannau rheoledig newydd
• Creu llwybr beicio ar wahân ar draws trosbont cylchfan Cyffordd 18 yr A55
• Gosod arwyddion newydd
• Yr oriau gweithio arferol fydd 08:00 – 17:30 dydd Llun i ddydd Gwener
• Bydd mynediad i’r archfarchnad, y Ganolfan Hamdden a Pharc Hamdden Cyffordd Llandudno yn cael ei gynnal drwy gydol y gwaith.

Nodwch y bydd system unffordd ar waith rhwng cylchfan Tesco a’r gylchfan A55 i gyfeiriad Tesco rhwng 11 Mawrth a fydd yn para am bythefnos.

Gallwch weld map o’r system un ffordd drwy glicio, yma

Sylweddolwn fod hon yn rhan brysur iawn o’r ffordd. Fodd bynnag, er mwyn i ni allu cwblhau’r gwaith yn ddiogel a chyn gynted â phosib, bydd rhaid defnyddio goleuadau traffig dros dro i reoli llif y traffig. Caiff y rhain eu rheoli â llaw yn ystod yr adegau prysuraf.