Mae cwmni Griffiths wedi’i benodi’n Brif Gontractwr gan Gyngor Bwrdeistref Sirol Rhondda Cynon Taf (CBS RhCT) i wneud y gwaith deuoli ar yr A4119 Coed-elái.
Mae’r A4119 yn goridor trafnidiaeth strategol sy’n cysylltu Rhondda Fawr â Llantrisant, Tonysguboriau ac ymlaen i’r M4 ar gyffordd 34. Ar hyn o bryd, mae’r llwybr yn ffordd ddeuol o’r M4 yn y de, hyd at Gylchfan Gwasanaeth Tân ac Achub De Cymru, a elwir yn lleol yn Ynysmaerdy. O’r pwynt hwn i’r gogledd, mae’n ffordd unffrwd sy’n dioddef o dagfeydd traffig ar adegau prysur.
Bydd y cynllun newydd yn darparu ffordd ddeuol 1.5km o hyd, 2 ffordd, ar hyd yr A4119 Coed-elái rhwng Cylchfan Pencadlys Gwasanaeth Tân De Cymru a Chylchfan Coed-elái, a fydd yn disodli’r ffordd unffrwd 2 ffordd bresennol, gan felly gynyddu capasiti’r ffordd a lleihau tagfeydd.
Bydd llwybr cymunedol a rennir 3 metr o led yn dilyn yr A4119 Coed-elái ar hyd gorllewin y ffordd gerbydau sy’n cysylltu cylchfan Parc Busnes Llantrisant â’r llwybr beicio presennol sy’n dod allan ar Gylchfan Coed-elái. Bydd pont teithio llesol yn cael ei gosod i’r de o Gylchfan Coed-elái er mwyn galluogi cerddwyr a beicwyr i groesi o’r llwybr cymunedol a rennir newydd i Goed Elái. Bydd y bont droed a’r llwybr cymunedol a rennir yn cefnogi cerdded a beicio i’r gwaith ar gyfer gweithwyr lleol y datblygiad newydd yng Nghoed Elái.
Mae’r cynllun yn cael ei ariannu ar y cyd gan Gyngor RhCT a Chronfa Ffyniant Bro yr Adran Trafnidiaeth gyda chyllid blaenorol gan Gronfa Trafnidiaeth Llywodraeth Cymru.
Yn dechrau am 06:00 ddydd Iau 25 Awst 2022, bydd Cam 1A y trefniadau rheoli traffig yn cael eu rhoi ar waith. Noder, mae’r amserlenni hyn wedi’u hamcangyfrif, ac os bydd unrhyw newidiadau i’r cam hwn, byddwch yn cael diweddariad pellach. Mae’r parthau croeslinellau coch ar y diagram yn dangos ein hardaloedd gwaith.
O ddydd Llun 15 Awst 2022, bydd Cam 0 y trefniadau rheoli traffig yn cael ei roi ar waith. Sylwch, mae’r amserlenni’n rhai bras a phe bai unrhyw newidiadau i’r cam hwn yn digwydd, bydd diweddariad pellach yn cael ei ddarparu. Mae’r parthau â llinellau coch ar y diagram yn dangos ein hardaloedd gwaith.
